Wah Gujarat

Gujarat Live Breaking News

બાળકોનો કલરવ

બાળશિક્ષણની રીત્-1

મા-બાપ અને બાળક વચ્ચેના વાર્તાલાપને આવરી લેતા નિત્યક્રમને પ્રોત્સાહિત કરો

આપના બાળકને આપની નજીક રાખવા માટે તેની સાથે ભાવનાત્મક જોડાણ વિકસાવવું જરૂરી બને છે. આ માટે તેની સાથે ચાલવા જવું-સાથે સાયકલ ચલાવવા જવું -પાર્કમાં સાથે જવું-સાથે ફરવા જવા જેવા કાર્યક્રમ બનાવો. આ વખતે તેની સાથે થતો વાર્તાલાપ તેને અપાર હૂંફ આપશે. મારા માતા પિતા મારે સાથે જ છે તેવી અનૂભુતિ તેને એક અનોખું બળ પૂરું પાડશે.

આ ચિત્રમાં પિતાપુત્ર સાયકલ સફરની સાથે સાથે  કુદરતને પણ ભરપૂર માણી શકે છે. આ સમયે પિતા પુત્રને પરોક્ષરીતે અનેક વનસ્પતિની-પ્રાણીઓની માહિતી આપી શકે.

અહીં એક ઉદાહરણ આપવાનું મન થાય છે.વાત તો ગામડાના એક નાનકડા બાળકની છે…

તેને પોતાના પિતા માટે અનહદ માન છે. તેના પિતા સાથે વગડામાંથી લાકડા વીણવા જાય.આ સમયે તે અભણ પિતા તેને જુદાજુદા ઝાડવાઓની ઓળખ આપે.આમ કરવાથી તે છોકરો અનેક વનસ્પતિને ઓળખી શકતો. અમારા ઘરના એક વડીલને હાથે સોજા આવી અયા હતા અને હાથનું હલનચલન બંધ થઈ ગયું હતું તેની દવા માટે અમારે રગતરોહીડો નામની વનસ્પતિની જરૂર હતી તે છોકરો તરત જ બોલ્યો અરે આનું ઝાડતો અહીં નજીકમાં જ છે. હું તેનાં પાંદડા લાવી આપીશ. અને સાચે જ તે દોડીને થેલી ભરીને પાંદડા લઈ આવ્યો. અમે તેને ખૂબ ખૂબ અભિનંદન આપ્યા અને તેનો આભાર માન્યો. તે બોલ્યો આ તો કાંઈ નથી મારા બાપા તો ઢગલાબંધ ઝાડવા-છોડવાને ઓળખે છે…..



Source: Wah Kids News

error: Content is protected !!