Wah Gujarat

Gujarat Live Breaking News

બાળકોનો કલરવ

બાળશિક્ષણની રીતો-૪

ઘરમાં બૂમાબૂમ થઈ રહી હતી. નાનકડી રીતુના ઘરમાં આ જ માહોલ જોવા મળતો.રીતુના પપ્પા તો વહેલા વહેલા સર્વીસ કરવા જતા રહેતા.ઘરમાં રીતુ અને તેની મમ્મી બે જ જણ હોય તો ય આવી જ બૂમાબૂમ જોવા મળતી. કેમ???

કારણકે રીતુ કાંઇને કાંઇ પરાક્રમ કર્યા કરતી અને તેની મમ્મી તેને ટોકતી. રીતુ માનતી નહીં અને તેની મમ્મી બૂમાબૂમ કરતી.

ચાલો જોઇએ ઘરનો માહોલ…..

(૧)

મમ્મી-રીતુ, આ શું કર્યં???તેં કેટલું દૂધ ઢોળ્યું?? આટલી મોટી થઈ તો ય સમજતી જ નથી.ચાલ જલદી જલદી રસોડામાંથી પોતુ લઈ આવ અને લૂછી નાંખ.

રીતુ પોતાની રમતમાં જ મગ્ન છે અને સાંભળતી જ નથી.બાજુમાં દૂધ ઢોળાયેલું છે . કપ રકાબી પડ્યા છે અને રીતુ બહેન પોતાના ટેડીબેરને રમકડાની કાર પર બેસાડવાનો પ્રયત્ન કરી રહ્યા છે. મમ્મી વધુને વધુ બૂમો પાડી રહીછે.

(૨)

મમ્મી-અરે રીતુ, આ તેં શું કર્યં???? ડ્રોઇંગરૂમમાં કેટલું પાણી ઢોળ્યું?? તને જરા પણ ભાન પડતું નથી. મમ્મી આખો દિવસ આ બધા કમો કરવામાંથી જ નવરી પડતી નથી.

રીતુ તેના રમકડા બસ્કેટમાંથી બહાર કાઢી રહી  હતી.અને મસ્તીથી કાંઈક ગણગણી રહીછે.મમ્મી વધુને વધુ ગુસ્સે થઈ બૂમો પાડી રહી છે.

(૩)

મમ્મી- અરે ઓ રીતુ, તેં તો જો આખા રૂમમાં રમકડાનો પથારો કરી મૂક્યો છે. રમકડા પાથરીને પાછી ચિત્ર દોરવા બેસી ગઈ છે. પહેલા રમકડા ભરી લે ને..

નાનકડો રૂપ દોડતો આવે છે અને રમકડા પર પગ પડવાથી લસરે છે અને ધબાક દઈને પડે છે. તેને માથામાં વાગે છે અને જોર જોરથી રડવા લાગે છે.

મમ્મી વધુને વધુ બૂમો પાડે છે.

(૪)

રીતુના પપ્પા પૌલિનભાઈ પ્રવેશે છે અને રીતુને વહાલથી ઉંચકી લે છે.

રીતુ- પપ્પા, જુઓને મમ્મી મને આખો દિવસ

બૂમો પાડે છે.

(૪)

લદ્યા જ કરે છે. તમે મમ્મીને કાંઇ કહેતા નથી. પૌલિનભાઈ રીતુની મમ્મી પલકને પૂછે છે કે શું થયું???

પલકબહેન રીતુના આખા દિવસના પરાક્રમોની કથા કહે છે.

(૫)

પપ્પા-રીતુ, તને ખબર છે?? જમીન પર જો દૂધ,ચા,નાસ્તો ઢોળાય તો શું થાય???

રીતુ- ના પપ્પા, શું થાય??

પપ્પા-કીડીઓ અને મંકોડાને આ બધું ખૂબ ભાવે એટલે જો દૂધ,ચા કે નાસ્તો ઢોળાય તો કીડીઓ અને મંકોડા દોડી આવે. પછી આપણું ધ્યાન ન રહે તો આપણને ચટકે પણ ખરા. તને યાદ છે તે દિવસે તને મંકોડો કરડ્યો હતો અને તેં ચીસો પાડી હતી….

રીતુ-હા,પપ્પા મને યાદ છે.

પપ્પા- એટલે આવું ન થય તે માટે ચા,દૂધ સાચવીને પીવા જોઈએ અને જો ઢોળાઈ જાય તો તરત પોતું કરવૂં જોઇને ને?

અને જો નાસ્તો વેરાઈ જાય તો તરત ભરી લેવો જોઈએ અને પછી પોતું ફેરવવું જોઇએ ને???

રીતુ- હા, પપ્પા, હવે હું તેમ જ કરીશ.

પપ્પા- રીતુ, રમકડા અને બીજી વસ્તુઓનો પથારો કરીએ અને રૂપ ભઈલા જેવો વહાલો ભઈલો પડી જાય તો તને ગમે??? તેને વાગે, લોહી નીકળે તો તને ગમે?? વહાલી દીદી તો ભઈલાનું ધ્યાન જ રાખે ને???

રીતુ- પપ્પા, હવે હું રમકડાનો પથારો નહી કરું.

રીતુ પપ્પાને વહાલ કરી રમવા દોડી ગઈ.

આ પ્રસંગો પછી રીતુ ખૂબ જ સુધરી ગઈ. પલક્બહેનને નવાઈ લાગી કે પૌલિનભાઈએ શું જાદુ કર્યો???

જાદુ તો કાંઇ જ ન હતો પણ

બાળકથી થયેલી કોઈ ભૂલ બદલ તેને ઠપકો આપવાને બદલે તેને કાર્ય-કારણ સમજાવીએ તો આપણી મરજી પ્રમાણે કામ કરાવી શકાય છે અને તેને યોગ્ય તાલીમ પણ આપી શકાય છે.



Source: Wah Kids News

error: Content is protected !!