એક રોળાયેલું સ્વપ્ન

0
17

                  આજે અધિક જેઠ સુદ સાતમ

આજનો સુવિચાર:- અસમાનતા વચ્ચેનાં સંબંધો અયોગ્ય ગણાય છે.

હેલ્થ ટીપ:- નખ પર લીંબુની છાલ રગડવાથી નખ ચમકીલા અને મજબૂત બનશે.
[ મુંબઈ સ્થિત શ્રીમતી ઉર્મિલાબેન પુજારાએ આ કાવ્ય લખી મોકલાવ્યા મેઘધનુષ તરફ્થી ખૂબ આભાર]

[rockyou id=70007966&w=324&h=243]

હતુ સ્વપનુ યુવતીનું
સૂરોને કંઠસ્થ કરવાનું
સ્વર લહેરો પર વિહરવાનું
સરગમને વરવાનું

શૈશવ વીત્યુ ગુંજન કરતું
સ્વર-તાલનો સુમેળ કરતું
કાવ્યને સૂરોમાં ઢાળતું
ઉર્મિ ભર્યો ઉદધિ ઉછાળતું

ખરજથી તાર સપ્તક પહોંચતા
રુંવાડે રુંવાડે સ્પંદન ઉઠંતા
સૂરોને હિલોળે હિંચતા
સૂર-સાગરમાં તરતા તરતા

વાસ્તવ ચક્રવ્યુહમાં ઘેરાતા
રિયાઝનું તેલ ખૂટતા
કર્કશના કંઠને આભડતા
સ્વરોની મૈત્રીવિમુખ થતા

સ્વરો ખોવાયા, સૂરો વિખરાયા
જીવન સરગમ બેસૂર વાગતા
ખોયું સંગીત સાનિધ્ય
રાંપ્યુ સ્વર-સામગ્રીનું સ્વપ્ન!

હતાં અભરખા થવા તાનસેન
બની રહી માતા કાનસેન

ઉર્મિલા પુજારા

                                                  ૐ નમઃ શિવાય



Source: મેઘધનુષ