Wah Gujarat

Gujarat Live Breaking News

મેઘધનુષ

વિસરાયેલો ઈતિહાસ

                                     આજે વૈશાખ સુદ તેરસ

આજનો સુવિચાર :- ઘણી બધી અને મોટી ભૂલ કર્યા વિના કોઈ માણસ મહાન થઈ શકતો નથી —ગ્લેડ્સ્ટન

હેલ્થ ટીપ:- નાળિયેરનું કુદરતી કોલ્ડ્રિંક ગરમીમાં શીતળતા આપે છે.

scan0001

વિસરાયેલો જેતલપુરનો ઈતિહાસ

       સંવત 1882માં બંધાયેલું આ ભવ્ય ઐતિહાસિક જેતલપુરનું આ મંદિર અમદાવાદના ચંડોળા તળાવથઈને 16 કિ.મી. દૂર હાઈ વે નં 8 પર આવેલું છે. ઈ.સ. 1420માં જમીનની વસુલાત માટે જેતલપુરમાં મોગલો ખેડુતોને હેરાન કરતા. એ વખતે અહમદશા બાદશાહે ઠરાવ પસાર કર્યો કે જેઓ ખંડણી આપશે અને લશ્કરમાં જોડાશે એવા જમીનદારોને એમની જમીનનો ચોથો ભાગ આપવામાં આવશે. આ હિસ્સો વાંટા તરીકે ઓળખાતો અને બાકીનો સરકારનો ‘તળપદ’ તરીકે ઓળખાતો. જેતલપુરના કિસાનોની નારાજગી ધ્યાનમાં રાખી અક્બર બાદશાહે ઈ.સ. 1583માં જમીનદારોને ચોથો હિસ્સો પાછો હિસ્સો પાછો આપવાનું ફરમાન કર્યું. પૂર્વ ઈતિહાસમાં ભગવાન સ્વામીનારાયણે જેતલપુરને પોતાની કર્મભૂમિ બનાવી તે સમયે થતી હિંસાનો મક્કમતા પૂર્વક સામનો કરી અંધશ્રદ્ધાના અવળા માર્ગે દોરવાયેલી પ્રજાને માર્ગદર્શન આપી રાજ સત્તાનો વિરોધ સહન કરી લીધો.

        શાહજહાં પોતાના પિતા જહાંગીર સામે બળવો પોકાર્યો અને 1623માં જૂને બારેજા આગળ શાહે ફૌજ અને બળવાખોરો વચ્ચે લડાઈ થઈ તેમાં બાદશાહની ફૌજની જીત થઈ. જીતનાર સુબા સૈફખાને જેતલપુરમાં કિલ્લો બંધાવ્યો જે અત્યારે ‘મઢી’ને નામે ઓળખાય છે. જે ઉપરોક્ત ચિત્રમાં જણાય છે. ગુજરાતમા મરાઠાઓ, મોગલો અને અંગ્રેજોએ સત્તા માટે અવારનવાર લડાઈઓ થતી રહી. જેતી રબારણના નામ પરથી ઓળખાતું આ જેતલપુર ભગવાન સ્વામીનારાયણે મોટાભાગના વર્ષો ગાળ્યા હોવાથી વિશ્વભરમાં જાણીતું તીર્થધામ બની ગયું.

                                                                               — સૌજન્ય [ગુજરાત સમાચાર ]

                                          ૐ નમઃ શિવાય



Source: મેઘધનુષ

error: Content is protected !!