Wah Gujarat

Gujarat Live Breaking News

મેઘધનુષ

ગાજ્યાં ગગન

                                    આજે શ્રાવણ સુદ ચોથ

 

આજનો સુવિચારઃ-સંબંધો અને સંજોગો ૠતુ જેવા હોય છે…તે બદલાતા જ રહે છે.

[અમેરિકા સ્થિત શ્રી રમેશભાઈ પટેલ, જે ‘આકાશદીપ’ના હુલામણા નામે ઓળખાય છે, તેમણે પોતાની આ વરસાદી રચના મોકલવા બદલ મેઘધનુષ ખૂબ આભારી છે.]

 

017[1]

ગાજ્યાં ગગન

ગગને ગાજ્યો મેઘો ઘનઘોર , લહેરાયું યૌવન અંગ અંગ
ઢળતી રે સાંજે નીતરતા અંગે, નેણલાં શોધતાં સાજનનો સંગ

શીતલ સમીર કંપાવે દિલડું ને જોશે ઝીલું ઝરમરીયો મેહ
નાજુક નમણી નારી હું રુપાળી , નયનોમાં ઊભરે છે નેહ

ઝરુખે ઊભી થાકી લજવાતી , વરસાદની છાંટે હું છંટાતી
અટૂલી ઘરમાં ભમીને ઘૂમતી,ઘડીઓ જુગજુગ ખૂટે ના ખુટાતી

આથમતો રવિ પૂરે રંગોળી ને ઊતરે માળે આભલેથી પંખી
પાંદડે ચમકે ધવલાં મોતી ને વાલમની વાટડી હું જોતી

ઝૂલાવું શમણાં આભની અટારીએ,ભીંના મોરલા દૂરદૂર ટહુકે
સપ્ત રંગો એ શોભે વ્યોમ ને શરમની છાયી લાલી અંગે

ઘોડલા દોડાવતો આવ્યો અસવાર, મેંતો દોડીને ખોલ્યા છે દ્વાર
ભીનો ભરથાર ભાવે ભીંજવતો ને ગાતું મનડું મેઘ મલ્હાર

ઝાંઝર રણક્યાં ને કંગન ખનક્યાં , રોમરોમમાં લાગી રે લ્હાય
વેણી ને ગજરાના હસતા રે મોગરા, મારું મુખડું મલકી શરમાય

શ્રી રમેશભાઈ પટેલ (આકાશદીપ)

ૐ નમઃ શિવાય



Source: મેઘધનુષ

error: Content is protected !!