Main Menu

સંકલિતઃ ‘વિવેક’

ગયા વર્ષે મિત્ર વિવેકનાં જન્મદિવસ નિમિત્તે લખાયેલી મિત્રોની કાવ્યાત્મક શુભેચ્છાઓ… આ વર્ષના જન્મદિવસની શુભેચ્છાઓ સાથે…

vivek.jpg

આ વિષય ઉપર હજી પણ બીજા મિત્રોએ રચના લખવી હોય તો નીચે કોમેંટમાં લખી શકે છે!

સર્જનક્રિયાની આગળની પોસ્ટ:  ‘વિવેક’

શ્વાસોને શબ્દોમાં ભરતો વિવેક છે,
શબ્દોનાં શ્વાસો ઢંઢોળતો વિવેક છે,
શબ્દોમાં મારા પણ આવ્યો છે એ જરા,
જાણે સ્વયમ્ એ ઊભરતો વિવેક છે.

(ઊર્મિસાગર) 

* * *

( શાર્દુલ વિક્રીડિત )

આજે આપ વધ્યા વધુ વરસમાં, કાવ્યો રચ્યા વ્હાલથી.
શ્વાસે શ્વાસ મહીં અહા! શબદને, પંપાળીયા પ્યારથી.
પ્યારા મિત્ર ‘વિવેક’ આપ વધજો, સાહિત્યને માણજો.
કાવ્યો ખૂબ બનાવજો શ્વસનના, પ્રત્યેક ક્ષણ જીવજો.

(સુરેશ જાની)

* * *

પ્રિય વિવેક!
મુબારક હોં
જન્મદિન મઝાનો!
શબ્દોમાં શ્વાસ
સર્વદા રહો!

(હરીશ દવે)

* * *

કાકા કહે ‘વિવેક’
શબ્દો છે શ્વાસ મારા,
કર્મે હું તબીબ;
ઓસડ છે કવન મારા.

માંડ્યું પ્રકરણ પ્રેમનું ,
શ્વાસ રહ્યા વિશ્વાસ મારા
વાતો થઇ ગઇ બહુ ‘સર્જિત’
સીધો આંકડો તો કહો મારા વ્હાલા !

(સર્જિત અમીન)

* * *

શબ્દો ને શ્વાસ
વિવેકના એ
બન્ને છે ધડકન
મન કેરો છે
એ માણીગર

(નીલા કડકિયા)

* * *

હોજો તારા જીવન ઝરણાં અન્યની તૃપ્તિ કાજે
હોજો તારા જીવન સ્વપ્ના અન્યની આશ કાજે
હોજો તારી જીવન વાડી અન્યની છાંય કાજે
હોજો તારી જીવન સફર અન્યના સાફલ્ય કાજે !

(દિનેશ ઓ. શાહ)

* * *

કાં વિવેક આટલો રાખો છો દોસ્ત,
સૌને શાને તરસ્યા રાખો છો દોસ્ત,
વેબ પર સૌ રોજ ભીંજાતા રહે છે,
ભેટ પુસ્તકની ક્યારે આપો છો દોસ્ત????

(ચેતન ફ્રેમવાલા)

* * *

જો જીવનની હર પળે હોય વિવેક નો સાથ
તો સમય ની હર ક્ષણે રહે મૈત્રી નો સંગાથ
જેમ ગુલાબની હર પાંદડીઓ ફેલાવે સૌરભ વિવેકની
તેમ કાવ્યની હર રચનાઓ બનાવે મહાસાગર વિવેકનો

(જય ભટ્ટ)

* * *



Source: સહિયારું સર્જન