કુખ્‍યાત આરોપી પૂના ભરવાડનાં મકાનમાં પ્રાણઘાતક હથિયારો ઝડપાયા

0
11

પોલીસ અધિક્ષક નિર્લિપ્‍ત રાયનાં માર્ગદર્શન તળે પોલીસનો દરોડો

અમરેલીનાં કુખ્‍યાત આરોપી પૂના ભરવાડનાં મકાનમાં સર્ચ ઓપરેશન બાદ પ્રાણઘાતક હથિયારો ઝડપાયા

એરગન, તલવાર, ફરસી, ગુપ્‍તી સહિતનાં હથિયારો ઝડપાયા

અમરેલી, તા.13

લોકસભા સામાન્‍ય ચુંટણી ર019 અન્‍વયે આદર્શ આચાર સંહિતા અમલમાં આવેલ હોય અમરેલી પોલીસ અધિક્ષક નિર્લિપ્‍ત રાય આગામી લોકસભા ચુંટણીમાં નિષ્‍પક્ષ અને ભયમુકત રીતે મતદાન થઈ શકેતે હેતુથી અમરેલી જીલ્‍લાના ભયજનક અને માથાભારે ઈસમો અંગે કોમ્‍બીંગ કરવા અને તેમના વિરૂઘ્‍ધ જરૂરી અટકાયતી પગલાંઓ લેવા અમરેલી જીલ્‍લા પોલીસને જરૂરી સૂચના આપેલ હોય જે અનુસંધાને અમરેલી મદદનીશ પોલીસ અધિક્ષક પ્રેમસુખ ડેલૂનાઓના માર્ગદર્શન તળે અમરેલી એલ.સી.બી. ટીમ, એસ.ઓ.જી. ટીમ, પેરોલ ફર્લો સ્‍કોડ, જીલ્‍લા ટ્રાફિક શાખા, અમરેલી શહેર પો.સ્‍ટે. તથા અમરેલી તાલુકા પો.સ્‍ટે.ની અલગ અલગ ટીમો બનાવી અમરેલી શહેર વિસ્‍તાર તથા તાલુકા વિસ્‍તારમાં કોમ્‍બીંગ હાથ ધરતાં અમરેલી જીવાપરા, સોમનાથ મંદિર પાસે રહેતાં કુખ્‍યાત માથાભારે ઈસમ પુના રામભાઈ ભરવાડ, રહે. અમરેલી વાળાના રહેણાંક મકાને સર્ચ ઓપરેશન હાથ ધરતાં પોલીસ કાર્યવાહીથી બચવા પુના રામભાઈ ભરવાડ તલવાર જેવા તિક્ષ્ણ હથિયારને હવામાં વીંઝવા લાગેલ અને પુના રામભાઈ તથા તેના ભાઈ મેપા રામભાઈએ પોલીસની કાર્યવાહીમાં અડચણ કરી જાનથી મારી નાંખવાની ધમકી આપતાં મજકુર ઈસમોને પકડી પાડી તેમના રહેણાંક મકાનમાંથી ઝડતી કરતાં ગુન્‍હો કરવાના ઈરાદે રાખેલ તલવારો, એરગન, બારબોરના કાર્ટીસ,ફરસી, ગુપ્‍તી, છરી, દાતરડું, હોકી જેવા જીવલેણ હથિયારો મળી આવેલ હોય મજકુર બંને ઈસમો વિરૂઘ્‍ધ પોલીસી કાયદેસરની કાર્યવાહીમાં રૂકાવટ, હથિયારબંધી જાહેરનામાના ભંગ અને ગેરકાયદેસર હથિયારો રાખવા બદલ કાયદેસર કાર્યવાહી હાથ ધરવામાં આવેલ છે.

(1) એક સીધી તલવાર (ર) દેશી બનાવટની એરગન-3 (3) બારબોરના કાર્ટીસ નંગ-4 (4) લોખંડની તલવાર નંગ-9 (પ) લોખંડના ફળા વાળી ફરસી નંગ-6 (6) ગુપ્‍તી નંગ-ર (7) તિક્ષ્ણ છરી નંગ-પ (8) લોખંડનું દાતરડું-1 (9) ધાતુની બીડનો પંચ-1 (10) લાકડાની હોકી-1 મળી કુલ કિં.રૂા.1,પ40/- નો મુદ્યામાલ આરોપી પુના રામ ભરવાડનો ગુનાહિત ઈતિહાસ આરોપી પુના રામભાઈ ભરવાડ વિરૂઘ્‍ધમાં અમરેલી શહેર તથા અમરેલી તાલુકા પોલીસ સ્‍ટેશનમાં ભુતકાળમાં જુગાર, પ્રોહિબીશન, મારા મારી સહિતના ગુન્‍હાઓ નોંધાયેલ છે.

આ કામગીરી પોલીસ અધિક્ષકની સૂચના અને મદદનીશ પોલીસ અધિક્ષક અમરેલી વિભાગનાઓના માર્ગદર્શન મુજબ અમરેલી એલ.સી.બી., એસ.ઓ.જી, પેરોલ ફર્લો સ્‍કોડ, ટ્રાફિક શાખા, અમરેલી શહેર તથા તાલુકા પોલીસ ટીમ ર્ેારા કરવામાં આવેલ છે.